Çështjet familjare

Çështjet familjare janë çështje ligjore që lidhen me marrëdhëniet dhe lidhjet brenda një familje, siç janë martesa, shkurorëzimi, ndarja e pronës së martesës, vërtetimin e atësisë, kundërshtimin e atësisë, vërtetimin e amësisë, kundërshtimin e amësisë, kujdesi për fëmijët, alimentacioni (mbajtjes financiare), mbrojtja e të drejtave të prindërve dhe fëmijëve, adoptimi, si dhe çështjet e trashëgimisë.

Martesa është një kontratë legale midis dy persona që krijon një lidhje të legjitimuar mes tyre. Shkurorëzimi është procesi i ndërprerjes së kësaj marrëdhënie dhe ndarja e pronës së martesës është pjesë e procesit të shkurorëzimit. Ndarja e pronës së martesës përfshin ndarjen e pasurisë dhe borxheve të përbashkëta të martesës midis dy palëve. Kujdesi për fëmijët mund të rregullohet me marrëveshje reciproke të ndërgjyqësve, mirëpo në rast se nuk ekziston pajtimi atëherë vendim gjyqësor do të përcaktojë kujdesin dhe format e kontaktit pas marrjes së mendimit të organit kompetent në Qendrën për Punë Sociale.

Mbrojtja e të drejtave të prindërve dhe fëmijëve është një aspekt tjetër i çështjeve familjare, dhe mund të kërkojë përfshirjen e avokatit në raste kur një palë ndërmarrë veprime të paligjshme që ndikojnë në të drejtat e prindërve ose fëmijëve. Adoptimi është një tjetër çështje familjare që kërkon një proces ligjor të ndjekur për të arritur të legalizohet marrëdhënia prind-fëmijë nëpërmjet adoptimit.

Çështjet e trashëgimisë janë gjithashtu një pjesë e çështjeve familjare dhe përfshijnë përcaktimin e trashëguesve dhe ndarjen e pronës së një personi të ndjerë midis tyre. Në këto raste, avokati mund të ndihmojë në zbatimin e testamentit të personit të ndjerë dhe në mbrojtjen e të drejtave të trashëgimtarëve në procedurë gjyqësore.